يــا هاجر الأحباب
يـــا خلي يا غدار
يـــا خاين وكذاب
وين الوفي وين صار
جرحي بعد مـا طاب
بيني وبينك ثـــار
لا تظن أنسى الأسى
مهمـــا تكن ناسي
في الهم صبح ومسى
شـيـبت لي راسـي
عسى أشـوفك عسى
تشرب مرار كاسي
لا بــد يجيلك يوم
تندم على مـا فات
وتصبح أنـا مظلوم
هيهات أحن هيهات
يقضي العمر محروم
وتعيش بالحسـرات


ليش تزعل


ليش تزعل وانت ماتعرف ظروفي
ليش ما تسمع كلامي للنهاية
اقتنع بالعذر ترضيكم حلوفي
والله ان اللي حصل ماهو برضاي
من وعدني بلتزم بالوعد يوفي
ليش تلعب بي وتلعب في هواي
وكان خنت العهد فالحكم معروفي
الخيانة بالعهود أكبر جناية
كان قلبك يرحم الحال ويروفي
والله إنا ما لنا بالغير غاية
لا تحسب اني بطير مع الدفوفي
ما اشتري السلعة على سبة دعاية
لا طرت لي كلمتك يزيد خوفي
واتعذب من خلايا في خلايا
احسب ان الحب وياك مخلوفي
يوم انا اخصك بحبي مع غلاي
ما هقيتك تجرح القلب العطوفي
لا يا بو وجهين ما هذا جزايا

----------------------------------------- -------------------------------------------------