ملتقى النخبة - يا وجّدّ حالي وجود اللي يتلّ أمه : صورة ، وقصيدة باكية !!

ملتقى النخبة (http://www.m-alnokhbah.com/vb/)

- بيت القصيد 2005-2010 (http://www.m-alnokhbah.com/vb/f81/)

يا وجّدّ حالي وجود اللي يتلّ أمه : صورة ، وقصيدة باكية !!

http://www.3solh.com/vb/images/smilies/slam1.gif

http://www.3solh.com/vb/images/smilies/slam.gif

http://good.2pchelp.net/pic/ommaah.jpg

يا وجّدّ حالي وجود اللـي يتـلّ أمـه

و يقول لا تتركيـن وليّـدك الغالـي

ما يدري ان الليالـي جـات بمطمـه

أمـه توفـت و لا والـي و لا تالـي

ماتت من الجوع و هـو فاتـح فمـه

جور و مجاعه و طاعـون و سلاّلـي

الله على الساعة اللـي فـورت دمـه

و الله على الصورة اللي ضيّقت بالـي

مـن شافهـا بيتذكـر حالـة الأمـه

و بيقول يا وجّدّ وجدّي و يا بريّ حالي

أحدٍ يا خذ له شهر و الخبز مـا شمّـه

و أحدٍ طعامه يجيه الـوان و أشكالـي

أفريقيـا جوعهـا كـم مسلـمٍ سمّـه

و حنا نبذر هذا فـال و هـذا عقالـي

نسعى ورى المال و نجمّعـه و نلمّـه

حلال حرام مـا نـدري و لا نبالـي

نشري كاسيت نانسي و المطرب نضمه

ندعمهم و من ورانـا جمّعـوا المالـي

و العاهره اللي الخليج و شعبـه تذمّـه

حنا وراها نجـرّ الصـوت ونلالـي

و نرسل SMS و اللي يقصر انتمّـه

علـى قنـاة هدفهـا دمّـر الأجيالـي

موضوع أبو الهش فيه الناس مهتمـه

كلـن يصوتلـه بـدولار و ريـالـي

يا ناس يا ناس لا غيـره و لا ذمـه

يا مسلمين بلأسماء مـا بـه افعالـي

وشلون من ينحرف نمدحه مـا نذمـه

و شلون ما نفرق الواطي مـن العالـي

لا صـار لا وازع دينـي و لا همّـه

لا تأمنون العـذاب و قـدرة الوالـي

تصدقوا و أنفقوا و العيش فـي القمـه

ما هو بدايـم إذا وقـت النعـم زالـي

يا الله و أنا طالبك يا كاشـف الغمـه

تحيي قلوب العباد و تصلـح الحالـي