أعداء المواطنين
 

همة كلهم كدة شوية مجانين ؟!!!!

و لحد إمتى حانفضل كدة انا وانت لعبة للمجانين
و كل مصيبة بتحصل تولع فالقلب نارين
كل شوية قتل و دم و هدر لأرواح مالبنيآدمين
و لما الشعب ياعينى يقول المسئول مين
يجى الرد قوام عالجاهز يادوب بكلمتين
شوية مجانين ؟!
بقى لنا سنين و قرون طويلة ياناس عايشين
فى نسيج واحد زى التوب الحلومتين و ملو العين
أحمد و بطرس و فتحية صديقة لهلين
ده حتى الطبخة بيقسموها و ياكوا منها العلتين
شوية مجانين ؟!
واحد يدخل 3 بيوت فالصعيد الهادى الآمين
يقتل و يقطع و يشرح كام راجل على نساوين
و ياخد اعضائهم يدفنها و تتدارى قوام بالطين
و اللى ينجى بقدرة قادر يسأل بس قولولى مين
شوية مجانين ؟!
و كل شوية حكاية جديدة تحت شعارإختلاف الدين
تسمع روايات حقيقية ولا رويات أرسلوبين
و الكل يجعجع و يهلل و بالبعض يشجب و يدين
و تفضل كدة قصة وسلسال بقى له سنين
شوية مجانين ؟!
إصحوا و فوقوا بس شوية يامصريين
تعالوا بالعقل نفكر الحكاية اصلها فين
و الأيد الخفية دى تبقى من جوانا و الا منين
لازم حزم و لازم همة و نكون عارفين
شوية مجانين ؟!
قول لحمادة و جورج و قول لفاطمة و لكاترين
حاسبوا و خالوا بالكم ده انتوا امل بكرة ياحلوين
مصر حاتفضل دايما آمنة مهما يجرى مالحاقدين
و مش حا يقدر ابدا يعملنا أزمة ملة و عقيدة و دين
شوية مجانين ؟!
عز الدين

مشاركة: أعداء المواطنين
 

كلام مؤثر وجميل


وللاسف بيعبر عن حقيقة