ملتقى النخبة - روودي ودحيم والسياحه الخارجيه

السلام عليكم ورحمه الله وبركاته

حبيت اقدم لكم قصه ثانيه واتمنى انها تعجبكم

هي بعنوان السياحه الخارجيه

جلست بذاك اليوم بدوانيه دحيم نقلب لك قنوات التلفزيووووووون

وكل شويه يوقف دحيم على قناه فيها رقص ويقول شووووف يارودي الزين مو انت خلك على جارتكم ام صويلح جالس تمدح لي اياه قلت له اقوووووووووول لا يكثر

قال لي روودي وش رايك نسافر لبره

قلت له من جدك انت قال ايه والله ودي بسفره اشوف الدنيا

قلت اها طيب وكيف اقنع الشايب يعطيني الجواااااااااز

قال لي بسيطه قول له انك مسافر معي

قلت ايه هين انا وبالديره ويقول لي لاتمشي مع دحيم ويهددني وذا الحين تقول لي اسافر معك

قال لي وش دعوه هاذا ابوك مسوي فيها قلت اقول عن الغلط

وماتشوف ابوك هاذا تقول باتمان ماتشوفه الا بالليل

ومع طقم سنونه تقول مكتوب عليها مممنوع الاقتراب

قال اقول ماتشوف وجه ابوك تقول لوحه مكتوب عليها ممنوع اصطحاب الاطفال

قال لي لقيتها

قوووول له راح اطلع اشتري بضاعه لمحل

قلت يعني حليتها انت وخشتك هاذي

قلت متى ناوي تسافر

قال يعني على اسبوع الجاي

قلت له خلاص

انا راح اشوف لي فكره على ماتحجز انت

قلت ياولد وش السوات مع هالشايب

قلت ياولد مالي الا اقول له اني انقبلت بالبعثات للدراسه بأمريكا

والله فكره

وقلت له هالكلام والشايب ماصدق

عمل عزايم وزحمه وجاني دحيم فرحان يبارك لي عالبركه يارووودي تقدم ولا تقول لي عالبركه والله

قلت له عالبركه ايش يالدلخ انا مطلعها عالشايب علشان اسافر معك

قال لي اهااااااااااااااااااااااااااااااااا

قلت له خلاص حجزت

قال لي كل شئ تمام

قلت حلو

على اي يووم قال الاربعاء الجاي

قلت له صار

واتى يوم الاربعاء سريعا <<<<<<<<<<< ابوكي ياللغه ههههههههه

واواعد دحيم بالمطار

وسلمت عالشايب والعجوز وودعتهم

واشوف لك دحيم

لابس برمووووده وتي شيرت رياضه

قلت دحيم فين رايح انت وراسك لمباراه والا مسافر

قال انا قلت للشايب اني عندي معسكر مع النادي

قلت ابوووووووووووها يالتصريفه

المهم ركبنا الطياره

الا وشويه واسمع صوووت يقول لي رووودي رووودي

قلت ياولد هاذا الصوت مو غريب علي

وألتفت الا بذيك الذرعان تحضني هلووووو حبيبي رووودي

قلت وشو انقلعي

تعال انا مافي شوووف انتا زماااان

قلت وألعنتين

قالت فين خمسين ريال

قلت وش البلشه <<<<<<<<<<< طلعت خدامتنا القديمه

الي مسلفتني خمسين للجوال العنيد

قلت هلا تيرا كيفك<<<<<<<<<< يصرفها

قالت لي انا هزبن موجود

تعال وتخمطني من يدي وتوديني لأخر الطياره

والعالم تناظر

وانا منزل راسي عامل فيها منحرج

قالت هاذا هزبن انا قلت اعنبوا دارك متزوجه مجمع بأندونيسيا انتي

زوجها عرضي عشر مرات

وماني عارف وش قالت له بالاندونيسي الا وشوي يعصب ويطلع من خشمه دخان

قلت ياولد شكل المويه سخنت عنده خلني اشيل عليه

ويمسكني من حلقي

ويقول وير از ماي وايف 50 ريالز <<<<<<<< ابوكي يالعنقليزيه الله يعزك يا استاذ بركات

قلت بس كذا

واعطيه ركبه

واسمع حد يشجع ويصفق ويصفر

اثاريه التعبان دحيم

ويعطيني كف وشوي ويجي المضيف ويمسكني <<<<<<<<< الا قول اسعفني

وبعد ماهدت الامور

قلت لدحيم وراك ماجيتني وفزعت معي

قال والله ودي
اضحك عليك مثل ماضحكت علي بالحلم

قلت اعنبوا دارك كان حلم

المهم وصلنا الديره المقصووده

ونطلع لك للفندق

واخذ لك عالتراكيب باللغه الى ان عرفنا كيف نجمع كلمه

ودحيم طايح لك كل مايشوف حد يا يصوره او يقول له قود موورننج بكل الاوقات

واخذنا الغرفه وريحنا

وبعدها طلعنا نتمشى

وحنى بالسوق

كل مانطلب شئ يطلع السعر دبل الي بالمنيو

قلت ياولد ليه كذا

شفت لك واحد عربي وقلت له السالفه

قال لي وليه مايعطونكم دبل السعر وانتم جاين بالزي الخليجي

راح يعرفون انكم سووواح

وحنى لبسينها علشان الترقيم <<<<<<< نصيحه دحيم

ونشوف لك مطعم مره فخم

قلت لدحيم ها وش رايك دخلنا

قال يالله يمكن نحصل وحده نرقمها قلت يلعن شكلك حتى هنا قال لا يقولون هنا احسن قلت له طيب

وندخل لك الا بذاك البودي قارد بالوجه

قال دحيم سلامااات وش يبغى هاذا

قلت ماعليك منه

انا اتفاهم معه

قلت له ماي نيم از رووودي

و اي وانت انتريشن ذس مطعميشن <<<<<<<<<< ابوكي يالعنغليزيه تقدر يادحيم

هز راسه البودي قارد وهو يناظر داخل

قال لي دحيم من جد رووودي والله تعرف عنقليزي الحمد لله انك جيت معي

الا وشوي ويطلعون لك اثنين مثل هالبودي قارد ويمسكون دحيم ويحذفونه بره

ويجون ويشيلوني الا بذاك الموتر مصفط عند البوابه

ويطلع لك واحد فيه حبه خال بخده وابيضاني ولابس نظارات سوده وماني عارف وش قال له باللعنقليزي

ونزلني لا وشال دحيم ورتب له ثوبه

قلت لللأبيضاني مشكور ووهاذي بوسه عالخشم موووووووح

وقال تفضلو ادخلوا

ودخلنا انا طلبت لي عصير برتقال

قال لي دحيم اسأله عندهم حليب نياق

قلت له حليب نياق عند ابوك مو هنا اخلص وش تبغى قال خلاص مثلكم

وجلسنا نسولف الا جات الفاتوره

قلت لا والله هالمره علي

قال لي الابيضاني خلها المره الجايه

قلت لا انا حلفت

قال لي اوكيه

واشوف لك الفاتوره الا وقيمتها 10000 دولار

قلت ياولد هاذي الفلوس الي عندي كلها وانا ادفعها قلبي يحترق واناظر بدحيم جالس يلعب بالحلى بصبعه والابيضاني يبتسم

ومسكت دحيم من كشته

ومن باب المطعم الا الفندق ومن الفندق الى المطار

وصلنا للديار وقال لي الوالد سلامات ليه رجعت قلت له

مارضوا يسكنوني الا مع وحده وانا ما ارضى بهالشئ <<<<<< ايه هين

ودحيم قال لابوه ان الديره الي راح لها صار فيها فيضان

وملخص القصه

اذا سافرتوا للخارج لا تاخذون دحيم معكم

ولا تلبسون حاجه تدل على انكم سياح

واذا شفتوا الابيضاني ابو حبه خال لاتعزمووووه

هههههههههههههههههههههههههههههههههههههههههههههههههه ه

اتمنى انها اعجبتكم مع اني اتوقع انها بايخه

اخوكم

البايخ

رووودي
:sm285: