ملتقى النخبة - ارفع كفوفك للسماء بقول لبيك (قصيدة خاصه)

ملتقى النخبة (http://www.m-alnokhbah.com/vb/)

- بيت القصيد 2005-2010 (http://www.m-alnokhbah.com/vb/f81/)

ارفع كفوفك للسماء بقول لبيك (قصيدة خاصه)

السلام عليكم

قصيدة واعجبتني حبيتكم تشاركوني فيها

قبل السعادة والبكـاء فـي عيونـك
وقبـل الصداقـة والقرابـة تواليـك
صفّ النوايا وأتـرك العيـب دونـك
وأرفع كفوفك للسماء بقـول لبيـك
وقبـل المحبـة والمعـزّة يجونـك
أذكر تراك مفـارقٍ(ن) كـل غاليـك
وفي لحظـةٍ بتفـارق الّـي يبونـك
وما تترك الا كود فعـلٍ(ن) يطرّيـك
ياصاحبي بعـض المواقـف تخونـك
لو كنت رجـلٍ والثقـة باينـه فيـك
وين الصديق الّـي بيبـري طعونـك
ان ضاق صدرك ضاق همّه يواسيك
حتى القرابـة .. أقطـع ويقطعونـك
لحدٍ(ن) سأل عنك ولحدٍ(ن) يداريـك
ياطير هات اليـوم أعـذب لحونـك
وغرد بعالي الصوت ولحدٍ(ن) يجاريك
هذا الزمن يلعـب بحسبـة ظنونـك
إن قلت في هذي .. قالوا لك بذيـك
أنا اشهد ان الوقت يهـدم حصونـك
وهذا العمر يمضي وتمضـي لياليـك
صفّ النوايا وأتـرك العيـب دونـك
وأرفع كفوفك للسماء بقـول لبيـك