ملتقى النخبة - كيف تصطادين المعرس لااايفوووتكم

ملتقى النخبة (http://www.m-alnokhbah.com/vb/)

- منوعـــــات 2005-2010 (http://www.m-alnokhbah.com/vb/f7/)

- - كيف تصطادين المعرس لااايفوووتكم (http://www.m-alnokhbah.com/vb/t5674/)

كيف تصطادين المعرس لااايفوووتكم

هاااااااااااااااااااه

ليش دخلتـــــــــــي؟؟؟؟

تبين معرس اجل:look_down: خخخخخخ امزح امزح

هلااااااااا بالبنوتــــــات كلهم..:

اخباااااركم ان شاء الله الكل تماااام

هاذي اول مشاركه لي في المنتدى وبما انها اول مشاركه حبيت يكون وجهي وجه خير على بنوتات المنتدى انهم يعرسووون ويفكوون أهاليهم أأأقصدي ويسعدوون اهاليهم

ومااطول عليكم اخليكم مع النصائح بس هاااه الله الله بالتطبيق المضبوووط عشااان اضمن لك المعرس 100%

**كيف تصطادين المعرس دون اللجوء إلى الاساليب السقيمه من المغازلات والترقيم والتلميح اللي ماله سنع والترزز بالاسوق...إلخ

**أهم شي ركزي على العجوز اللي حاطه عينك على ولدها ثم نفذي مايلي:

1-خليك مع امك ولاتروحين مع البنات وتتهيبلين اصبري عنهم كم شهر لين تتم العمليه

2-امشي وانتي حاطه راسك بين كتوفك ولاترفعينه ابد حتى لو عورك خلي الفكس دايما في متناول يدك.

3-كلمة خاله خليها دايما على لسانك خاصه لام المعرس عشان تحس بنوع من التميز عن باقي العجايز.

مـــــــــلاحــــــــــــــظــــه:
لامانع تنادين عجوز ثانيه بخاله عشان اذا مانجحت الخطه مع العجوز نمبر "ون"تنجح مع العجوز نمبر"تو"الاحتياط واجب وانا اختك..

4-اذابدت امك تتكلم انغزيها بكوعك عشان تدخلك في السالفه حتى لو مالك داعي تطبيقا للمثل<كثر من الدق يفك اللحام>داريه المثل ماله داعي بس مالقيت غيره.

5-اخوانك الصغار لاحقيهم وطامري معهم وين مايروحون حتى لو ماهي عادتك بس تصرفي معهم كأنك امهم عشان العجوز تاخذ فكره انك حريصه على ذريتك.

6-كل مااكلت امك من اكله زينه خليها تقول:نفس الاكله اللي تسويها بنتي حتى لو الاكل من مطعم صيني اوهندي.

7-اذاجيتي بتمدين ايدك توجعي وخلي امك تقول:قايلتلك وانا امك ماله داعي تنظفين جدران البيت الخارجيه{اقول نظفي غرفتك اول اللي تقولين ثايره فيها قنبله ذريه}.

8-اذا تكلموا الحريم عن العرس اكتمي نفسك لين تحمر خدودك عشان يقولون البنت تستحي ومالنا حق تكلمنا عندها {بس لاتكتمي نفسك مره اخاف تروحي فيها واصير قتلت نفس بغير حق}.

9-مهما كان موضوع الحوار حماسي لاتبدين رايك خليك مثل البكما لان اللقافه تجيب اجل الخطه.:z060:

10-شعرك افرديه لاتخلينه طاير ولاتجعدينه مهما كانت الموضه لان العجايز مايدورون الا اللي شعورهم ناعمه.

11-اذا ادلت العجوز {ام المعرس المتوهق} بأي رأي سواء سياسي والاوطني والااقتصادي وافقي عليه حتى لوانه ماسخ وماله داعي.
**مثال:تقول العجوز:بوش متقهوي عندنا البارح
قولي لها:وليه ماعلمتينا ياخاله نجي نساعدكم؟!

12-في العروس اضغطي على نفسك واقضبي ارضك ولاترقصين واعتبري الرقص عيب وشق جيب<<<< اقضبي ارضك وانثبري

13-اذا جاء طاري السوق وهو لازم يجي الطاري لانه ملح الجلسه عند الحريم خلي امك تقول:بناتي مايحبون يطلعون السوق ابوهم اللي يجيب اغراضهم.

***الحين العجوز بتكون وقعت في الفخ..

نروح للمعرس الحين..:

1-اهجدي في بيت اهلك ولاعاد تطلعين واذا جا المعرس بيشوفك خلي ابوك يقول:والله ودي تشوف البنت بدون ماتدري عشان تاخذ راحتك وانا عمك وبعد تشوفها عالطبيعه ماتقول غشيتوني{ايه هين يالشايب والله لوبيدك ان تحط مكانها باسكال مشعلاني}

2-قبل مايجي اليوم اللي بيشوفك فيه بحوالي اسبوع او اكثر{حسب شين الوجه}طامري من صالون لصالون صبغ فرد تنظيف بشره..الخ.

3-اذا جا خلي اخوك يوقف جنبه عشان مايطيل التبحلق ويبان المستخبي وذلك تطبيق لنظرية{اللمحه ذبحه}.

4-في نهاية المشهد خلي ابوك يقول:معليش وانا عمك ترى البنت شوي محيوسه{معليه يالشايب تنصب عالمسكين}

وبهاللحظه الولد بينط على راس ابوك ويبوسه لين يشفط مخه ويقول متى العرس ياعم؟:

{تحــــــــــــــــذيــــــر مهــــــــــــــــــــــــم}

******ابتعدي عن امهات العيال المتعلمات راعيات الشنطه نفس لون الجزمه هذولا يبيلهم خطط بعيدة المدى********

ومنك العيال ومنه المال
وان شاء الله تعيشون في سبات ونبات وتخلفون صبيان وبنااااات

ملطــــــــــــــــوش للفائـــــــــــــــــده: :victory:

مــــــلااا حظــــه :
بالنسبه للتماااسيح اللي تليقفوا ونطوا يحسبون فيه نصااايح لهم استروووا عليناا لاا تفضحووونا عند امهااتكم وتكشفووون خططنا لهم خلووونا نترز ق

مع تحيـــــــــــــــاتي:

أحســــــــــــــــاس طفـــــــــــــــله