|
ام لسانين والتيلفزيونات واليهال
السلام عليكم ورحمة الله وبركاته
معظم اللي في المنتدى هنيه عنده عيال صغار في البيت سؤاء كانوا عياله او اخوانه ومعظمنا كذلك يفكر في كيفية التخلص من ازعاجاهم طبعا الشي الوحيد وهو الملاذ الأول اللي يتبادر لمخوخنا هو التيلفزيون يا الله انشغله وفززززززز على طول انحط روسنا ونرقد لكن ما فكرنا هل اللي يشوفونه ها اليهال زين ولا لا؟؟ امبونكم تلبسون نظارات وكل وحدة كم متنها بعد تبون ها الفروخ يلسبون شراتكم؟؟ خافوا ربكم في عيالكم اترومون اتخصصون لهم لو شوية وقت من يومكم حقهم رواحهم اترموسونهم فيه وتفهمونهم والله لو بايدي قسمن بالله لأدخل بيت كل وحدة فيكن واجلع وايرات التيلفزيونات ولا البلوى العودة اليوم يوم كنت بيت يدوتي وحدة حرمه انعرفها دخلت بشكارت ولدها الصغير وفي ايدها شنطه استغربت وقلت في خاطري وحليلها ها البشكارة غير عن باجي البشاكير اتباري الياهل فقيرة الله وشوي إلا اشوف فتحت ها الشنطة وما اشوف لكم غير امظهرة تيلفزيون صغير واشرطة رسوم متحركة هاي رسوم متحركة؟؟ قولوا إلا رسوم مدمرة المهم شغلته والله وكيلكم إليييييييين ما ظهروا وها الياهل ما شل عينه من التيلفزيون والام فرحاااااااااااانه وطارة الحلج وتتفدى ولدها والله لو هاي اتحب ولدها تعتقدون بتشتري له ها الطفاس اللي يضر بعين الولد؟؟ لكن الواحد ينفخ في جربة مقضوضة والله بغيت اصور لكم حال الولد وهو يتطالع التيلفون لكن الجو كان مغيم كل الحريم يتطالعوني ما رمت اصوره اخاف يقولون بتصور ولدنا عسب معجبة في شكله مع اني والله كاسر خاطري ها الياهل ما عليه اسمحوا لي وبرد لكم في سالفة ثانية ان شاالله من سوالف ام لسانين |
مشاركة: ام لسانين والتيلفزيونات واليهال
السلام عليكم
اختي هذا هو الواقع كما ذكرتيه ولا في اي رقابة ولا اي مسؤولية من الاهل ويتركون اولادهم يشاهدون اي شيئ ولا يمنعونهم من مشاهدى بعض الاشياء التي يمكن تضرهم او تأثر عليهم . اتمنى فعلا ان يصحى الاهل من النووووووووم ويتداركوا الامور اشكرك اختي على خوفك وحرصك على الابناء . تحيتي لك والله يوفقك اينما تكوني تحيتي لك |
مشاركة: ام لسانين والتيلفزيونات واليهال
زهرة البنفسج؟؟
يا مرحبا فيج وسهلا لكن ما اتفضلتي وخبرتينا شو الحلول المتبعة لتفادي هذي المشكلة؟؟؟ بانتظار الرد ام لسانين |
مشاركة: ام لسانين والتيلفزيونات واليهال
:mad: :mad: :mad:
وينكم عن الموضوع؟؟ ردووووووووووووووووا عليه خلونا انعرف موقعنا من الاعراب |
مشاركة: ام لسانين والتيلفزيونات واليهال
بلااااااااااااااااااااااااااوي يام لسانين بلااااااااااااااااوي
هذا يهون مع ترك الحبل على الغارب للخدمات والمربيااااااااات مع الطفل انواع البلاوي تصير الله يستر بس |
مشاركة: ام لسانين والتيلفزيونات واليهال
مشكله ومشكله عويصه
المشكله حتى حنا نعاني منها عندي اخو الله لايرويك مسنتر 24 ساعه على سبيس تون وام بي سي 3 وارتينز <<كنه كذا اسمها والله مادري :rolleyes: بس تجيه طقات يغير بين القنوات وتعرفي الاطفال عندهم فضول يغير ويوقف يغير ويوقف حتى ان طحنا عليه مره حاط قناه تعرض افلام :mad: شفتي البلوى واذا صارخنا والصراخ مايفيد بل يضرر يقول بس اغير عااادي :( يبغى لنا بس رسيفر خاص لهم فيه قنوات الاطفال المحترمه نوعا ما وبصراحه الخدم عندنا ابدن ماتركهم يقربون التلفزيون وهذا شئ اعتدنا عليه المراقبه طبعن هي الحل والتصرف والتعامل السليم مع الطفل ممكن يكون اسلوب التخويف والنصح في الوقت نفسه الله يعطيك العاااااااااااااااااافيه ام لسانين ويسلم لسانك ;) :D |
مشاركة: ام لسانين والتيلفزيونات واليهال
مشكور ام لسانين على طرحك الموضع
فعلا نصرفه بالتلفزيون علشان نفتك منهم وهو يضرهم الله يتسر بس احتراماتي |
مشاركة: ام لسانين والتيلفزيونات واليهال
اقتباس:
مفعوله قوي مثله.. لؤلؤة |
مشاركة: ام لسانين والتيلفزيونات واليهال
:confused: :confused: :confused:
لا تعلــــــــــــــــيق الأخوان والاخوات ماقصروا ومن ناحية المواضيع هذي العالم ضاع وكل شوي يبعد بضياعه مهما حكينا ومهما شكينا الشيطان أدها منا يلعب بعقول الخلق وهم عارفين وفاهمين لاكن القريب من ذكر الله ويخافع مستحيل يسوي هالسوالف ويعطيك العافيه على الطراء الجميل |
مشاركة: ام لسانين والتيلفزيونات واليهال
موووووضوع ;)
الاخوان ماقصروووا اابد ودي ابدي رأيي بس مشوووار << زوله تعالي دخلي مخي واقري واطلعي :D شوفي انا الحمدلله ياربي اخواني مايحبون التلفزيون ولا الافلام كرتون نادر مايشوفونها اذا يشوفون يشوفون قناة المجد :) واكثر شيء يتابعون فديو اشرطة اطفال واناشيد لـــــــــــكن !!! اخواني الاثنين الكبار لاحظي كبار :D مدمنييييييين بلاي ستيشن تووو بشكل لاينتصدق ابدا ابدا :confused: بس هالايام استغرب ماعاد يلعبوون فيه هاجدين :cool: |
مشاركة: ام لسانين والتيلفزيونات واليهال
ام سلانين ما فهمت شئ ممكن تعيدي لي الموضوع
تلفوني مقطوع واليهال نايمين |
رد: ام لسانين والتيلفزيونات واليهال
أختي أم لسانين... أن وياج صراحه اليهال صدق حشره.. و أنا مرات أتضايق من هالشي.. لكن ترا التلفزيون مب حل .. إحنا لازم ندور على أسلوب أو طريقه نغير فيها أسلوب التهدئه..
أنا بصراحه عن نفسي يوم أشوفهم ضايقين و يبون يخترشون و يلعبون.. ( ياحبهم للحشره) أقوللهم تعالو بنلعب مونوبولي أو أونو(ورق) أو أي شي.. المهم ألعبهم و ينسجمون.. بس بصراحه مرات أنا أحتشر وياهم هههههههه بس أوديهم بعيد عن الأهل عن يتضايقون.. أحبسهم في الغرفه وياي و أقوللهم احتشرو... |
| الساعة الآن 41 : 05 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO 3.5.2 TranZ By
Almuhajir
ملتقى النخبة 2005