|
مصر
وأشوفك فوق جبين الشمس طالعة تصبحي وأشوفك بين نجوم الليل تلالي وتمرحي تتمرجحي بين الجفون جوا العيون .. ويا السهر يا اللي حنانك أغلى هدية من القدر يا أم العيون السود بتحلم بالأمان فاردة قلوعك سابقة خطاويكي الزمان ومين يقدر على مهرك؟ غير اللي الحب في قلبه غناوي كلها بإسمك وطاير فوق دروب الشوق بمواله وفيه رسمك لو ان المهر يا حلوة كنوز الأرض؟ ترخصلك دا انا عاشقك يا متعاجبة ومستني ف يوم أنسى سنين الهجر والغربة وأشوفك ف السما نجمة تضوي فوق جبين الشوق وتحلالي واحط الكلمة ع الكلمة ف موالي واغنيلك يا ساكنة القلب من يومك يا وهبالي سمار نيلك ولسة احلامي وردية بتسري ف دمي وعروقي تزيد اللهفة من شوقي أعيش بكرة على ذوقي لا واجبي انساه ولا حقوقي وأشوف شمسه مضوية تهل ف ساعة صبحية تنور لي خطى طريقي واعيش وياها ف البساتين مع الياسمين تكون مركب ف بحر أمين وانا القبطان ويوم ورا يوم حنيني يزيد ونار الشوق ف قلبي تقيد لفجر جديد ينور سكتي وداري يكون الضلة ف نهاري وطول ليلي يكون قنديل يكون لي دليل ف كل سبيل ولا آجي ف يوم أبات حيران وحلمي وحلم أجدادي وأولادي يعيش ويايا بين يدي ومين قدي لو اقدر يوم أكون ملاح أكون فلاح تعيش الدنيا من كدي ونفسي م السماح نابعة تصير ف الضلمة نور شمعة تنورها وتبقى الوحشة بيا أمان وانا الإنسان وللباطل أكون سجان أكون عنتر أبو الفرسان ف إيدي السيف ولا اعرف خوف يكون قلبي حليم غضبان. |
رد: مصر
مصر ام الدنيا
أبدعت اخوي والى الأمام دائما وبانتظار جديدك الجميل |
رد: مصر
تحفه كنت بقراء تحفه بجد
حاجه فوق الوصف بس فى سؤال محيرنى انت اللى كاتب ولا منقول تحياتى ريم البوادي |
رد: مصر
تحفه كنت بقراء تحفه بجد
حاجه فوق الوصف بس فى سؤال محيرنى انت اللى كاتب ولا منقول تحياتى ريم البوادي تحياتي أختي العزيزة وأشكرك على مجاملتك الرقيقة وردا على سؤالك أود أن أعلمك أن كل مشاركاتي في الملتقى هى من تأليفي أشكرك مرة أخرى على مرورك الكريم سامي محمود |
رد: مصر
مصر ام الدنيا
أبدعت اخوي والى الأمام دائما وبانتظار جديدك الجميل أشكرك أختي الكريمة وأتمنى أن أكون عند حسن ظنك دائما سامي محمود |
رد: مصر
صح الله لسانك اخوي
لكن اخوي احب اقولك انها محتاجه شوية وزن فى بعض الابيات وتغيير بعض الكلمات ولكن بشرط انها تكون بنفس المعنى الى الامام دوما واسف على الانتقاد لكن الشعر فن والغلط فيه لازم يتصلح |
رد: مصر
تقول الاه واسمعها
تقول الليل واغنيها وشط النيل ده روحنا وبعذبه ساقينا وقلب القلب جوانا حروف مصر بتروينا وقالولى ليه بتعشقها وليه فى حبك تغنيها قولت جرب تلاقى قلب يضمك زيها ويد تمسح من عيونك دمعها وليل يعدى زيى النسيم مع حسنها وان يوم عبها بعض من اهلها يكفى ان رغم كل الحزن بتوبها سترا اهلها ونغنى عين ونغنى ليل ونقول فى حب مصر م المواويل كتير واسئل غريب عاش جوة قلبها وحس طيبه اهلها انه برغم الغربه واحد منها ونقول كمان وسكت الكلام ويا دموع من قلبها على كل عربى يوم بعد عنها وهو لسه من طابع حسنها مهما الاسيه تلمنا وتضمنا ونقول يامصر عشتى لنا عذرا ان كانت كلماتى لم تحاكى رروعه كلماتك ولكن هذا ما احسسته بعد قرائتى لكماتك فكل منا وطنه عليه غالى شهد الحياة |
| الساعة الآن 22 : 12 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO 3.5.2 TranZ By
Almuhajir
ملتقى النخبة 2005