ملتقى النخبة - " الحق حلمك "

الحقْ يا عايشْ حلم عمرك وببلاش من غير تمن
بس تبقى مصيبة سودا
لو ف حلمك رحت تعشق و ِحْشَهْ بوَّرها الزمن
واللا تهتك ستر حلمك يوم وترجع لاجل ما تعيش في الوطن
ونصيحتي ليك . اقفل عليك
واياك ف حلمك تدّي فرصة مرَّه تتسرب لحلمك ريح عَفَنْ
واحلم وعيش من قبل ما الدستور يطلّع مادة في غفلة زمن
وتلاقي حلمك .. زيّ علمك .. جوه فاترينة نجاسة بيترهن

قابل وشوش .. من غير رتوش .. واقتل وحوش
كَبَسِتْ عليك خلِّتْ حياتك توب مرقّع بالمِحَنْ
فصَّل بلاد .. ما فيهاش عباد
داست براءة طفل طالع سِلِّم الحلم البريء اللي اندفن
من غير ذنوب مطلوب يتوب عن ذنب مصلوب ع المِحَنْ
فقد الرجولة قبل ما يسيب الكافولة ويتختن
آخر زمن