|
ارخي لي حبل المشنقة
ارخي لي حبل المشنقهْ من قبل ما الروح اللي خانقاني تبات مطَّلَّقه ْ عديت سنيني الأربعين .... باربع سنين وشوية اِيَّام مرفقه ْ والحبل شادد فوق رقبتي ... اللي اتولدت لقيت عروقها معلَّقَّه ْ يا عم عشماوي ... عليك ألفين مبارك ... قلعة الخوف اللي مبنيَّه سنين فوق الضلوع مِتْرَسْتَقَه عشرين سنة ... زوِّد عليها سبع سنين غـُلب وشقا والضلمه من بين الضلوع متضفَّره ومتعشَّقه وسهام عزيمتي طول سنين شنقك بقت متفرَّقه وسنان غيلانك جوّه لحمي مرشّقه هوَّه في مشنوق يمُصُّه ف دمه ؟ عيب مش تبقى جـُرْسَه ومهزأه ؟ !!! مستكترين مقتول يطلَّع نكته بايخه ...!!!؟ يرثي حاله يموت عليها بتريقه ؟ !!! مش ناقصه منك شد تاني ... فوق رقبتي ... ارحم بقى !!! يا ريت تسيب لي نَفـَس أخير ... ينفعني في قبري اللي مستني الُّلقا ما تخافش مني . عروقي دِبْلِتْ ... مش ها تتشدِّ العروق ف المغرقه امتى هاتفهم إني لاجل سواد عينيك نفسي أروح المَحْرَقه وهاسيبها ليك متخضره ... ومتعشَّره ... مش ناوي أعيش تاني وأشوف ... نسلك بيورث دمي فوق حلقة ضفيرة المشنقه ارحم بقى |
رد: ارخي لي حبل المشنقة
الله . . الله ايه الجمال دا كله . . دانته أبدعت قوي ارحم بقى يا خويا |
رد: ارخي لي حبل المشنقة
ماشاء الله عليك اخى الكريم
كلمات جميله جدا جدا جدا ولكن محتاج فى بعض الابيات وزن والى الامام دوما اخى الفاضل |
رد: ارخي لي حبل المشنقة
أخي بحر الأحزان . أولا شكرا على الإطراء . ولكن لا يوجد أي كسور في الأوزان فالمقطوعة تتبع نظان التفعيلة مع السير على نمط السطر الشعري والدفقة الشعورية . وهي لا تتبع نظام الأبيات العمودية ولا يطلق عليها أبيات وهذه سقطة عروضية منك يجب ألا تقع فيها طالما نصّبت نفسك مقيّما لأوزان القصائد .... الأسطر الشعرية تسير على تفعيلة " مستفعلن " متكررة . أرجو إعادة قراءة المقطوعة بصورة جيدة مع مراعاة أنك تقرأ شعرا عاميا وليس فصيحا ... ولا تصدر حكما قبل التأكد منه .
دمت بود |
رد: ارخي لي حبل المشنقة
سلمت يمناك
والى الامام دائما وبالتوفيق اخوي |
| الساعة الآن 38 : 03 PM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO 3.5.2 TranZ By
Almuhajir
ملتقى النخبة 2005