ملتقى النخبة - عمي فضحني يا جماعة (؛

في الحقيقة صار لي موقف ظريف وغريب في نفس الوقت !!

السالفة باختصار أن جدي عياله وبناته واجد ما شاء الله ..
ومعطي كل ولد وكل بنت منهم جوال أو موبايلي اللي يختار برقم مميز بعد ويخليها باسمه ..
يعني جدي هو اللي يسدد فواتيرهم >> جده كاش (؛
المهم أن أرقام جدي اللي بأسمه الله يحفظه واجده عشان كذا أخوكم في الله استفادة من قطاف لمدة 3 شهور
<< تعرفون ينزنق أحيانا
وصرت اخذ من هالقسائم وأروح اشتري فيها اللي يناسبني ..
وأمس جلس جدي وعماني وقعدوا يسولفون عن قطاف قال واحد من عماني أكيد يا أبوي ما استفدت من قطاف وأرقامك كثيرة ورا ما تحول
نقاطك للسواقين وتصير لهم كأنك تسدد عنهم بالمجان ؟ّ!
قال جدي فكرة طيبة اجل حولوا نقاطكم لأرقام السواقين والعمال (( جوالات السواقين والعمال سوا ))
راح عمي ودق 902 علشان يحول النقاط قاله الموظف ما عندك إلا 17 نقطة بس !!!!!!
عمي انهبل قال شلون وكيف ؟!!
قاله الموظف ان صاحب الأرقام طلب تحويلها لقسائم شرائية وحولناها له
وقال عمي من متى ؟!
قاله من 3شهور
قال عمي شكرا وصك السماعة ..
قعد يناظر فينا واحد واحد قال من اللي داق منكم ومستفيد منها ؟!!
وأنا اللي أكتم الضحكة ثم خريتها ضحكة ..
قال جدي جزاء لك وردعا لأمثالك اشحن ب 100 ريال للسواقين والعمال لكل واحد 100 ريال لمدة 3 شهور
طبعا كأنك يابو زيد ماخزيت (؛
ولقبوني بعدها بالحضرمي
عشان كذا اللي مايبي نقاطه يحولها لي الله لايهينيه (؛

تحياتي ,,