ملتقى النخبة - عز الله اخطأ من مسميك رجال ...!!

عز الله اخطأ من مسميك رجال ...!!

جاني يعايرنـي بقولـه: "فقيـر ه "
قلت الفقر ماهوب فـي قلـة المـال

الفقر هو نقـص العقـل والستيـره
واما بغيرة يـا"...." نستـر الحـال

قال: وعلى فقـرك وكنـك اميـره
تحكي بعز وتمشـي بفخـر تختـال

قلت: ايه وازيدك من البيـت غيـره
الله عطاني مـن عطايـاه مكيـاال

وش هو له امشي في حياتي كسيـره
مادامني من خير ربـي انـا اكتـال

مـادام مايسجـد جبينـي لغـيـره
أللي خلق ارض وسمـاوات وجبـال

اللي حباني نـور عيـن وبصيـره
أميز يمين الخطـاوي مـن شمـال

مانـي قليلـة فهـم مثلـك غريـره
أمشي عدل واميـل للوقـت لامـال

ماغرني صوف الزمـان وحريـره
ومهما يضيق الوقت فيّه أبا احتـال

وكانك تعايرنـي بقولـة " فقيـره "
بقول شي(ن)صعب اشـوي ينقـال

صحيـح املاكـك عددهـا كثيـره
صحيح تلبس غتره وثـوب وعقـال

بقول لك كلمة ولـو هـي كبيـره:
عز الله اخطأ من مسميك رجّال .!!!

قصيده قويه الصراحه اعجبتني وحبيت انقلها لكم ..

مع تحيات اخوكم

الاسمراني الحلو