|
مسابقة (ألغاز شعريه)..
السلام عليكم ورحمة الله وبركاته اخواني اخواتي الاعضاء هذه المسابقه عباره عن الغاز شعريه تتكون من بيتين او ثلاثه حيث تبث روح التنافس بين الاعضاء في المنتدي في حل الالغاز والي يقوم بحل اللغز يجبر بوضع لغز ثاني وارجو من الاعضاء الكرام المشاركه في الالغاز ابدا في اللغز الاول. طيب الغز يقول / انـشدك عن بـنـت مـن عرفهـا ضــمهـا والـلـي جـهـلـهـا مـن الـعـرب مـا همتـه تــجــيـــك بـالأخــبـــار مـن عــنــد أمـهـا ومع اربع اعــيال مافــيهـم اللـي سمتـه الــبـنـت لا انته ابـوهـا ولا انـتـب عمهـا اخذ تها من شايب نصف العرب في ذمته وسلامتكم والي يحله يفسره لنا لا هان ولكم احترامي وتقديري |
رد: مسابقة (ألغاز شعريه)..
مشكوره على جهودج وتشجيعج للشعر وباب الشعر
وان شاء الله نلاقي جهود من هذي الناحيه ولج الجواب على لغزج البنت= بطاقة الصراف ضمها=احتفظ فيها الاخبار=الفلوس امها=الصرافه العيال الاربعه=الرقم السري الشايب=البنك نصف العرب=عملاء البنك انشدك عن بنت مـن عرفهـا ضمهـا ( حطها في البوك يعني ) واللي جهلها مـن العـرب مـا همتـه ( اللي ما بعد استلمها ) تجيـك بالأخبـار مـن عنـد أمـهـا ( الأم هي ماكينة الصراف ) ومع اربع اعيال مافيهـم اللـي سمتـه ( العيال هم الارقام السريه ) البنت لا انته ابوهـا ولا انتـب عمهـا ( تمويه ) أخذتها من شايب نصف العرب في ذمته ( الشايب هو البنك ونصف العرب اي عملاء البنك ) |
رد: مسابقة (ألغاز شعريه)..
شيخٍٍ كل همه ركوع وسجود
جسمه نحيل ودمع عينه جاري ملازم الخمس والناس في هذا شهود يعمل طوال العمر في خدمة الباري. فــمـــا هــــو ؟؟؟؟؟؟؟؟؟؟؟؟؟؟؟؟؟؟؟؟؟؟ |
رد: مسابقة (ألغاز شعريه)..
برافو عليك يابحر
جواب لغزك اتوقع ((القلم)) |
رد: مسابقة (ألغاز شعريه)..
لغزي هو..
أنشدك عن رجل ٍ سريع إذا جاك،، رجل ٍ لمنك دعيته يجيلك يفهم هدفك ثم يعرف نواياك،، يقبض عليك ثم يخلي سبيلك أتمنى التفاعل من الجميع |
رد: مسابقة (ألغاز شعريه)..
بــــرافـــــــوووووووو
صــــــــــــــــح القـــلــــــــــــــــــــــم أمـــا بالنــســـبـــه لــلــغـــزج عــلى ما اعــقـــتــد والــلـــه أعــلـــم انـــه (( الـلـفـــت )) اما لغزي فهو اسألك عن بنت بها الناس يشقون**ومهما يطول بها العمل ماتمله اعيالها من عند فمهــــــــا يطيحون**اليا طاح هذا صـــار هذا محله |
رد: مسابقة (ألغاز شعريه)..
هلا بحر
قبل لااجاوب على لغزك بسألك وشو ((اللفت)) لاهنت |
رد: مسابقة (ألغاز شعريه)..
بحر يا بحر
حل لغزك هو (المسدس ) السلاح لي عودة لوضع لغز!!! |
رد: مسابقة (ألغاز شعريه)..
هلا abo aziz
قبل لاتحط لغزك يمكن جواب بحر على لغزي خطأ بس ابي أعرف وش معنى اللفت معليش أنتظر بحر |
رد: مسابقة (ألغاز شعريه)..
عذبه
اللفت هو الاصانصير ما اعرف شو يسمونه هذا اللى موجود فى العمارات ناس تطلع فيه وتنزل نفس السلم المتحرك |
رد: مسابقة (ألغاز شعريه)..
ابو عزيز
جوابك غلط اخوي |
رد: مسابقة (ألغاز شعريه)..
اذا مو الاصنصير او اللفت
يكون السيارة او القطار ؟؟ يمكن طياره بعد!! او هيلوكبتر او دراجه ؟ ممممم :amazed: |
رد: مسابقة (ألغاز شعريه)..
اهااااا
صح صح يابحر برافوووو جواب لغزك هو الدباسه |
رد: مسابقة (ألغاز شعريه)..
الجواب صحيح
الدباسه وين لغزج |
رد: مسابقة (ألغاز شعريه)..
لغزي هو
أنشدك عن زرع على الأرض مزروع زرع بوسطه ماتشوف الخضاره لا يملكه واحدولاهوب ممنوع مشروك بين الناس مثل التجاره |
رد: مسابقة (ألغاز شعريه)..
المره هاى لغزج صعب شوي
لكن على ما اعتقد ملح لكني مب متاكد المره هاي |
رد: مسابقة (ألغاز شعريه)..
صح الملح
أنتظر اللغز |
رد: مسابقة (ألغاز شعريه)..
وين اللغز يابحر
|
رد: مسابقة (ألغاز شعريه)..
بحر :anod5:
تراي متحمسه وايد :biggrin: أنتظر اللغز إذا ماعندك خلني أناا أحط :anod4: |
رد: مسابقة (ألغاز شعريه)..
لها فخذا بكر ، وساقا نعامة ..... وقادمتا نسر ، وجؤجؤ ضيغم
حبتها افاعي الارض بطنا وانعمت .... عليها جياد الخيل بالرأس والفم |
رد: مسابقة (ألغاز شعريه)..
هع هع هع
سهل بالمره هع هع هع الجرااااده :anod4: موقلتلك متحمسه :biggrin: |
رد: مسابقة (ألغاز شعريه)..
لغزي يقوول:
وطائر في وكره نـــــــــــــائم ...... يطير في الأرض بأســــــــراره حياته في قطع أوداجـــــــــه ...... وعيشه في قــــط ّ منقــــــــاره يكـــرع من مستنقع القــــــار ..... كي يأخـــــذ بالمنقــار من قاره أشكر بحر لتفاعله الدائم والمستمر للمسابقه وياليت الباقي يتفاعلون |
رد: مسابقة (ألغاز شعريه)..
ما ادري
بس محتار ما بين القلم والرساله يعني يا قلم او الرساله |
رد: مسابقة (ألغاز شعريه)..
طيب فكر وعطيني جوابك الصحيح
:biggrin::biggrin: |
رد: مسابقة (ألغاز شعريه)..
اقتباس:
ok الرساله |
رد: مسابقة (ألغاز شعريه)..
يؤيؤ يؤيؤ
الجواب للأسف خطأ لو قلت القلم كان صح خيرها يغيرها |
رد: مسابقة (ألغاز شعريه)..
لغزي هو ......
انشدك عن قبرٍ دفن فيه راعية معروف حتى في العصور القديمة كلٍ يحاول يظهر جنازتٍ فيـــه ولايظهره غير العقول الفهيمـة |
رد: مسابقة (ألغاز شعريه)..
المره هذي اللغز وايد صعب
|
رد: مسابقة (ألغاز شعريه)..
لا لا يابحر
مره قريب الجواب مو صعب فكر شوي |
رد: مسابقة (ألغاز شعريه)..
وليه مكتوب على انا اللى افكر
وين باقي الاعضاء وليه ما يشاركونا |
رد: مسابقة (ألغاز شعريه)..
ما شا الله
مسابقة مميزة منكم استفيد حبيت اشارككم مرو ري واستفيد منكم الف عافية عليكم جميعا |
رد: مسابقة (ألغاز شعريه)..
بحر كلامك صحيح
أتمنى أن الكل يشارك لأني مااشوف غيرك مشارك معي بالمسابقه لك الشكر الكثير معطر بالنرجس يابحر |
رد: مسابقة (ألغاز شعريه)..
فاتن مشكوره على مرورك
لكن نتمنى المشاركه |
رد: مسابقة (ألغاز شعريه)..
نعم ياليت تشاركونا
ابو عزيز ومرجانه وفاتن والبقيه |
رد: مسابقة (ألغاز شعريه)..
إن كان محد عرف الإجابه اقولها وأجيب لغز ثاني
|
رد: مسابقة (ألغاز شعريه)..
اللغز هذا اخذ عقلي وتفكيري كله
لدرجة انى رحت لشاعر معروف فى الامارات وهو شاعر غنائي وقلت له اللغز وكان الجواب هو (( الــلــغــــــز )) |
رد: مسابقة (ألغاز شعريه)..
ماشاء الله عليك يابحر
العذر تعبتك معي والجواب أكيد صح بنتظار لغزك |
رد: مسابقة (ألغاز شعريه)..
عذبة الروح
وهذا مافي اى تعب بالعكس شي جميل ان الواحد يجتهد عشان يوصل للي يبغيه عموما لغزي هو بنشدك عن رجل رفع قدره عظيم الشان *** وله بنت تقيــــــــم بداخله بالثوب محجوبه تجيها الناس وتسلم على بنتـــه بكل احسان *** عسى من حب ذيك البنت ربي يغفر ذنوبه |
رد: مسابقة (ألغاز شعريه)..
شكراً كهطول المطر يابحر
أذكره هاللغز لكن الجواب مو متذكرته أحس أنه قريب جآآآآآآآآآآآآآآري التفكيــــــــــــــــــــــــر:anod4: |
رد: مسابقة (ألغاز شعريه)..
فعلاً قريب واللي إن شاء الله بكره بكون عنده
الحل هو أنا بنشدك عن رجل رفع قدره عظيم الشان ( الحرم المكي ) *** وله بنت تقيــــــــم بداخله بالثوب محجوبه ( الكعبه المشرفة )*** تجيها الناس وتسلم على بنتـــه بكل احسان( الحجاج والمعتمرين ) *** |
رد: مسابقة (ألغاز شعريه)..
صح لسانك
الجواب صح |
رد: مسابقة (ألغاز شعريه)..
أتمنى أن تستمرو بالمسابقه
أنا بغيب كم يوم إن شاء الله وأرجع بحر كلمة شكر لاتوفي بحقك |
رد: مسابقة (ألغاز شعريه)..
عذبه
ان شاء الله تروحين وتردين لنا بالسلامه يا رب وهذا واجب علي اختي الفاضله |
رد: مسابقة (ألغاز شعريه)..
السلام عليكم ورحمة الله وبركاته
الله يسلمك يابحر والحمد لله هذي أنا رجعت أنتظروا لغزي بإذن الله |
رد: مسابقة (ألغاز شعريه)..
عوده مجدداً يأحبابي
وهذا اللغز،،، أتمنى من الجميع المشاركه ياويش الشيفه الي شفتها ياهل الوفا بالامس طبيعي وضعها لاكنها ماهي طبيعيه مواطيها ثمان انفوسها اربع والجماجم خمس واصابعها عددها ياوجيه المعرفه ميه |
رد: مسابقة (ألغاز شعريه)..
انا حاس ان اللغز هذا يخص
الميت او الكفن او شي من هذا القبيل لكن شو هو الله اعلم ولكن البحث جاري |
رد: مسابقة (ألغاز شعريه)..
حمد الله على سلامة عدبة الروح
ماشاء الله علي كل اخواني واخواتي في الله جميعا ما قصرتوا حبيت اشارك تراني ضيعا وسط مسطلحات الي بتجبوها اللغز صعب ما ادري بركة فغيري |
رد: مسابقة (ألغاز شعريه)..
صح يابحر
فاتن لاتحرمينا من مشاركتك |
رد: مسابقة (ألغاز شعريه)..
وين الشعر اليديد؟
:amazed: |
رد: مسابقة (ألغاز شعريه)..
مرجانه
قصدج وين اللغز ؟؟؟ |
رد: مسابقة (ألغاز شعريه)..
اي وين اللغز
|
رد: مسابقة (ألغاز شعريه)..
بس يا عذبه انا ما عرفت جواب اللغز لحد الان
|
رد: مسابقة (ألغاز شعريه)..
أنشدك عن عذراء ألاجاها المخاض .. تحط في جوف الذلول عيالها
تـمـر عـجلانه ولاتـبغي الـمـراض .. ورزقها في كل ديرة يهيا لها |
رد: مسابقة (ألغاز شعريه)..
الجراده :amazed:
|
رد: مسابقة (ألغاز شعريه)..
مممم
يمكن السحاب؟؟ |
رد: مسابقة (ألغاز شعريه)..
عذبه
حاولي مره اخرى |
رد: مسابقة (ألغاز شعريه)..
مرجانه
صح يلا ننتظر اللغز من عندج |
رد: مسابقة (ألغاز شعريه)..
:biggrin:
مضيعه انا بس انت تدري ليش ؟؟ يلا مرجانه مبروك عليك بنتظار لغزك |
رد: مسابقة (ألغاز شعريه)..
اقتباس:
هههههههههههههههههههه من زمان انتى مضيعه مو من الحين اما انى ادري ليش فصدقيني ما اعرف يا ريت لو تقولين لى ليش:b5: |
رد: مسابقة (ألغاز شعريه)..
هههههههههه
أفا انا مضيعه من زمان مقبوله منك مضيعه كذا لأني مضيعه :biggrin: تجيه الواحد فترة ضياع وغباء:biggrin: بس بعدين يرجع طبيعي وعادي :biggrin: |
| الساعة الآن 45 : 06 AM |
Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO 3.5.2 TranZ By
Almuhajir
ملتقى النخبة 2005