الأكياس على المبايض و تأثيره على الحمل
 

السلام عليكم و رحمة الله

أخواتي أنا عندي موضوع أبغي مساعدتكم إدا ممكن

و انا بسوي فحص بالصدى عند الدكتورة قالت لي إني عندي أكياس بالمبايض و عشان تتعالج نهائيا يبغي لها على الأقل 9 شهور و إن الحمل بيكون صعب مع وجود ها الأكياس و عطتني دوا اسمه كلوكوفاج بس انا خفت اخده و رحت عند دكتورة ثانية و لما كشفت علي قالت لي هاي أكياس عادية تجي و تروح لوحدها و ما يبغي لها أي علاج خصوصا و إن العادة عندي منتظمة يعني ها الأكياس مو مسوية لي اي مشاكل
هي فعلا إنه الحمل مع ها الأكياس صعب بس فيه حريم وايد حملن و عنهن أكياس و ما صار لهم شي و لا أثر على الجنين بس انا الحين خايفة و حملي تاخر و ما أدري شسوي
بليييييز اللي تعرف دكتورة زينة في الإمارات تخبرني ترى بيكون لها أجر عند الله و الدال على الخير كفاعله
في ا نتظار ردكم علي أخواتي
و شكرا

رد: الأكياس على المبايض و تأثيره على الحمل
 

هلا اختي الكريمه


رغم ان معلوماتي البسيطه الا ان اللي اعرفه ان الاكياس ما تتجمع على المبايض الا اذا كانت الحرمه متينه شوي

ورغم ذلك

اذا كنتي فى الامارات انصحج تروحين للدكتوره اوراس فى الشارقه

وهذي دكتوره مخضرمه وتعطي العلاج اليقين

وان شاء الله الشفاء من عند رب العالمين


واتمنى ان تلاقي العلاج عندها باذان الله تعالى

يلا روحي وشدي حيلج وبشرينا بالحمل


بس لو كنتي متينه حاولي تخفين وزنج شوي

رد: الأكياس على المبايض و تأثيره على الحمل
 

السلام عليكم ورحمة الله وبركاته


اختى ترى عادي انك تاخذين حبوب كلوكوفاج فيه تاكيد على نجاحها بمواضيع الحمل وغيرها


اختى بنت ما تزوجت بس جاتها اعراض واوجاع بـــ رحمها وصرفوا لها حبوب الكلوكوفاج وناس ثانيين يبون الحمل برضوا اصرفوها لهم


على فكره هي حبوب حق مرضى السكر واذا بتاخذينها حتى بعد ذهابك للدكتوره اللي خبرك بها اخوي بحر الاحزان فلازم تعرفيني انك لازم تاخذينيها


بعد الاكل علشان ما تعمل لك انخفاض بسكرك 00


الله يوفقك ويرزقك واحب اضيف عن تجربتي بمحاولة الحمل كان لي مجهود مع ذهابي للدكتوره هو اني اكثرت من الاستغفار


وشرب ماء زمزم و7 حبات من الحبه السودء ولا تنسين الدعاء بكل اوقات الاجابه وانزلت وزني عني ماكنت متينه بس سويت كل شي


والحمد لله حصل المراد , الله يرزقك بــ الذريه الصالحه اللي يسرون قلبك ويبرون فيك 0

رد: الأكياس على المبايض و تأثيره على الحمل
 

أسال الله العظيم رب العرش الكريم ان يشفيك
أسأل الله العظيم رب العرش الكريم أ، يشفيك
أسال الله العظيم رب العرش الكريم ان يشفيك
اسال الله العظيم رب العرش الكريم ان يشفيك ويعافيك
اسال الله العظيم رب العرش الكريم ان يشفيك ويعافيك
لله العظيم رب العرش الكريم ان يشفيك ويعافيك