ملتقى النخبة - قصيدة ابن الشعب

إزاي تخالف أمرهم

وتدخل منافسه ضدهم

البلد بلدنا ومؤمنه

بس العساكر عندهم

والإذاعه والبضاعه

والنفخ في ودان عجلهم

والمذيعه والمذيع

والشنيع ابن الفظيع

أعضاء في لجنة حزبهم

والحرامي ابن الحرامي

والصهاينه في صفهم

يا حبيب الشعب دايما

إنت شوكه في جنبهم

هيفشو فيك غلهم

اسمع جميع كذبهم

ابوك زمان

عض صاحبة كلبهم

امك بهيه

نشرت غسيل
فوق غسيل أمهم

انت طماع البلد

عايز حقوقك منهم !!!

يبقي انت محقوق

وعليك فلوس لهم

يبقي انت محظور

ممنوع تكون وسطهم

و انت مدسوس

وانت متعوس

وناوي تاكل اكلهم

و انت مصري وابن مصري

من جنس غير جنسهم
شكرا جزيلا يا صديقي
انت موش منهم