ملتقى النخبة

ملتقى النخبة (http://www.m-alnokhbah.com/vb/)
-   سواليف عـــامة (http://www.m-alnokhbah.com/vb/f80/)
-   -   مين الجحش و مين الحمار ؟؟؟ (http://www.m-alnokhbah.com/vb/t8873/)

عمرو عبده 29 / 01 / 2011 08 : 08 PM

مين الجحش و مين الحمار ؟؟؟
 
الجحش قال للحمار

يابا اديني الحنطور

ياباإنت سنّك كبر

و وَجَب عليّا الدور



كَـحّ الحمار كَـحة

فزعِت لها الركاب

مش يابني بالصحة

ده كل شئ بحساب



و سواقة الحنطور

محتاجة حدّ حكيم

و إنت عينيك فارغة

همّك على البرسيم



قوللي تسوق إزاي

و التبن مالي عينيك

ده حتى حبل اللجام

واسع يا إبني عليك



إعقل و بطّل طمع

لا تسخّن الركاب

ماتجيش يا واد جنبهم

لا تبقى ليلة هباب



دول صنف ناس جبّار

قادر مالوهش أمان

يبان عليهم وَهَن

لكنهم فرسان



يابا دا نومهم تِقِل

و بقالُه يابا سنين

كل البشر صحصحوا

و لسه دول نايمين



يا جحش بطّل هبل

و بلاش تعيش مغرور

رُكابنا مش أغبيا

ولا عضمهم مكسور



بُكرة حيصحولك

و يزلزلوا الحنطور

و تلاقي في قفاك

تمانين خازوق محشور


الساعة الآن 52 : 07 PM

Powered by vBulletin® Copyright ©2000 - 2024, Jelsoft Enterprises Ltd.
Search Engine Optimization by vBSEO 3.5.2 TranZ By Almuhajir
ملتقى النخبة 2005