قالت لي الزينة وينك رايح = قلت احضر لك باقة ورد وازهار
تحية مني مع المسك الفايح = لاحلا قلب كله حب بالليل والنهار
قالت يكفيني الحب لك بايح = جعلني اشم احلا عبير مع الخطار
انت المنى وانا بحبك سايح = نسيتني همي عساك تنجو من النار
وخليتني اعيش بلا فضايح = ومستورة يا ابن الاشراف الابرار
ولو ضاقت الحياة يامسامح = وسع لنا الارض دوم يارب ياغفار
والي معه ربه جته المنايح = ولو اغلقت عليه دوم اشد الاسوار
وطاعتك لربك هي الربايح = ترتاح بدنياك والاخرة اكيدبلا عار
يازين من احب وهو بايح = لمن يغليه ويفداه ويكتم له اسرار
والي ماعنده خل تراه طايح = وتحوشه الضيقات ودايم استعبار
يارب تسلمنا من الجوايح = وتسعدنا مع احبابنا بالليل والنهار
وتسلم الخلق من الروايح = الي تجيب الهم وتزيل كل استقرار


http://www.maktoobblog.com/saed999?page=2&