عرض مشاركة واحدة
  المشاركة رقم: 1  
قديم 08 / 12 / 2009, 47 : 12 PM
عذبـة الـروح
ڪليـﮯ على بعضيـﮯ ۶ـذوبـﮧ
المنتدى : بيت القصيد 2005-2010
تاريخ التسجيل العضوية الدولة المشاركات بمعدل المواضيع الردود معدل التقييم نقاط التقييم قوة التقييم
09 / 11 / 2009 4087 k.s.a 648 0.12 يوميا 188 10 عذبـة الـروح is on a distinguished road
عذبـة الـروح غير متصل

Love لــكــل من يقلل من شأن المرأهـ

السلام عليكم ورحمة الله وبركاته


مــــــــــــــنـــــــــــــــــــــــــقــــــــ ـول



لكــــل من يــقلل من شأن المرأهـ

مشكلتنا يابشر في هالعصر
عَ المرة كلٍ بمكياله يكيل

ناس تحكي دون مبدأ او فكر
منطقٍ ضيق وتفكيرٍ هزيل

عنده الانثى أقل من الذكر
يعني يوم انه رجل لازم يعيل

ناسي ان الام معنى للطهر
تحت ماطاها جنان وسلسبيل

ويوم جا منهو يدوّر عَ الاجر
للنبي وقال له ويش الدليل؟

(امك,وامك,وامك يابشر
اكسب ارضاها فلا تصبح ذليل)

والقوامة ماهي تشريف وقدر
يوم تحمل عننا الحمل الثقيل

حكمة الله صرت فيها تفتخر
كنّك المعصوم من يومٍ يهيل

ذاك تكليفٍ يزيدك بالعسر
يوم تتحاسب قدم وجه الجليل

ذيك جنة .. ذيك نارٍ تستعر
هن جزا المسلم عقب يوم الرحيل

ولا انتَ بمعفى من حساب القبر
بالتساوي ف الحساب وف الحصيل

أفتخر لي دين قايم عَ اليسر
دين ربي بالعدل ما له مثيل

ضلعي المعووج ما ابي له جبر
خلقة الله ما ابي عنها بديل

وكان فينا نقص لله الشكر
رزقنا عنده ولا عند البخيل

تحسب ان الطيب في يدك حكر ؟
والمرة ماهي سوى عقلٍ هبيل

أقدر اتكلم واجيب من العِبر
عن حريمٍ شالن التاريخ شيل

امهات المؤمنين اهل الدرر
ما انعَرف عنهن سوى الفعل النبيل

والصحابيات سيرتهن عطر
ذكرهن محفوظ من جيلٍ لجيل

كيف تجحدهن وتدني للخطر
ليه ما تستثني الجيل الفضيل ؟

مبدأ التعميم للجاهل عذر
لازم تحدد وللشكة تزيل

نرجع لموضوع ثاني قد ذكر
يومك تشكك فِ شعر البنت حيل

تحسب ان القاف مقصورٍ قصر
عالرجال.. ورافع السيف السليل؟

والمرة (تمثال) ماله بالشعر
برقع ونظرة من الطرف الكحيل

ملهمة .. وانت الورق ويا الحبر
تكتب احلى وصف بالخصر النحيل

ويومها تكتب طواريقٍ قشر
تشكي الخافي وسط قلب العليل

حضرتك تستهزئ وحكمك صدر
(ما لهن بالقاف مرباع ومقيل) ؟

الادب ان كان شعرٍ او نثر
عن خليلٍ او هبيلٍ او حليل

او قصيدٍ يشكي انواع القهر
او شموخٍ عاليٍ مثل النخيل

موهبة ماهيب محصورة حصر
عالرجل . .ولا المرة وجهٍ جميل

الكلام اللي مضى وجهة نظر
يوم شب النار في راس الفتيل

وســــلامـــتـــكم







توقيع : عذبـة الـروح
رد مع اقتباس مشاركة محذوفة