مش إرهابي
 

يا معجم المعاني

ليه البيان إختل

ياحروف كتبت كلام

ماله طريقك ضل

ولا العيب

مش ف الكلام

والعيب

ياناس فينا

بنادي بالسلام

مع غاصب أراضينا

واحنا عارفينه

إحتلال

والأرض يوم لينا

وان إنت

مش إرهابي

مش إرهابي

ياعابد ربك

مش إرهابي

يا حابب أرضك

مش إرهابي

وأرضك

عرضك

ده أنت فدائي

إنت دليل كرامتنا

الباقي

إنت الصوت الصادق

فينا

إنت نجوم بتقيد

ليالينا

وإنت شهيد

ومقامك جنه

وأجمل منها

فين هاتلاقي

ده انت فدائي

مش إرهابي

إرهابي صحيح

اللي بيقتل

أحلام أطفالنا بصواريخه

إرهابي صحيح

اللي بيكتب

بدمانا حكايته وتاريخه

إرهابي اللي بيحرم أم

من ضم ضناها

لأحضانها

إرهابي الجيش

اللي بظلم

بيحاصر أمه

ف وطنها



ياقانون العالم ملينا

وفاض بينا الكيل

ويارب

ويارب مافيش غيرك لينا

ولا لينا بديل

هانكافح دايما

ونجاهد

نستشهد واحد

ورا واحد

ده اللي بيحمي بلاده

شهيد

والي يضحي عشان أولاده

شهيد

أيوه شهيد أراضيه

وفدائي

هو دليل كرامتنا الباقي

مش إرهابي

مش إرهابي

رد: مش إرهابي
 

ثورة إمتدت من أقاصي أضلع شاعر لم يرضى بالهوان..

إلى أرض القدس الحبيبة ملقية باصدائها على العراق الجريح..


كلنا نردد مش إرهابي..

وكلنا معهم قلباً وقالباً..ونسأل من الله الفرج والفكاك من المحن..


سنردد كلماتك أخي عمرو طويلاً..

سنقف بها في جميع الصفوف..


حتى هنا أقف عن الكتابة فلم تترك لمن بعدك شيئاً يذكر..


لك مني فائق الاحترام والتقدير..

رد: مش إرهابي
 

اشكرك على التعليق الجميل