سلام

اي مصلحة تمشيلها لازم تقولك دير طلب... و مرات اتقولك لازم تحط عليها دمغة.

اجراء بالكاد يكون روتيني في كل المصالح.

و اقعد دور انت وين تلقى ورقة الطلب... تقدر ادور علي اي قرطاسية في الطريق تنزل و تشري ورقة طلب .. و يمدلك البائع ورقة من نصف كشكول او ورقتين بربع دينار. هدا لو حظك مليح و ماطلبوش عليك دمغة.

المهم ... ورقة الطلب هده ... تكتب فيها و تعبر عن شعورك .. و في الاخير توقع توقيعتك المحترمة و تتفنن فيها علي اساس انها قوية و ميقدرش حد يزورها ... و كلك فخر ..مرات لين تنسى مشاكلك كلها و انت توقع.!!

و بعد التعب هدا كله... ياخذها الموظف من ايديك و يشدها بطريقة مكرمشة و كأنه سيلقي بها في سلة المهملات... ولكن!!
انه موظف ممتاز و لن يرمي بها الي سلة المهملات حتى و ان بدء لك بانه عكرشها...
انه سوف يضعها بين الاوراق الاخرى معززة مكرمة... اما انت هههههههه فسيقول لك في سره او عيني عينك ( تي امنع خيرلك... ياريت معاش تجئ ولا عاد توريني هالفنزوزة ) و لما تقوله اه كلمتني؟ ايقولك ايه ولي بعد اسبوع.

ضعت انت المحترم و بقت الورقة المعكرشة في الحفظ و الصون.

يعني ورقة الطلب يعني كانك ادير في طلب باش يهينوك!!

و السلام


ملاحضة : مش متأكد انكم تفهمون اللهجة الليبية بس انا افهم لهجتكم .. عموما ترجمة لبعض الكلمات في الموضوع :
تي امنع خيرلك= اهرب من قدام وجهي
الفنزوزة = الوجه القبيح
دمغة= طابع رسوم مالية مثل طابع البريد


و في النهاية اتمنى من الاخوة الاداريين في المنتدي تغيير اسمي الي (عميد البحر الليبي )

مافهمته من الموضوع هو التعقيدات الحاصله في المعاملات في بعض الدوائر والمصالح..

وهذا حاااصل حتى عندنا وفي جميع الدول..



لكن ندعو من الله التيسير في الأمور كلها..

بالنسبة لطلبك إن شاء الله يتم تنفيذه..

مشكوووووووووور

ههههههههههههههههههههههه

أنا عجبتني الترجمة تحت

بس عموما نفهمو ونعشقها كمان هدرتكم بالمغرب بس مش بالزاف
يعيشك خويه

الموضوع حلو

والأحلى منه روحك العالية
اللتي لن تعود عليك إلا بالخير والمحبة بإذن الله


أخوك
عاشــ الريم ــق