بقولكم هاالسالوفه وعطوني حل لها اللهم لك الحمد حنا بيتنا مفتوح اربع وعشرين ساعه يعني دايم اقاربنا عندنا القصه ومافيها انا في واحد من اقاربنا باالعشرينات من عمره من النوع اللي ياي لحد يكلمني وانا حلو وانا كشخه وانا وانا تقدرون تقولون مغرور او فارحن بعمره اللمهم اني اكتشفت انه على علاقه بشغالتنا وانا ماني عارفه كيف اتصرف مع ان اهلي ماقصرو معه فاتحين له البيت ومعطينه الثقه لكن حسبي الله ونعم الوكيل وامي شكلها تدري بس ماتبي تصدق وانا اعرف ان ابوي متسرع وممكن لو درى باالموضوع بيعصب وبيسوي مشكله كبيره ممكن يصير فيها زعل كبار وانا محتاره بهاالموضوع واتمنى ينفضح عشان يعرف كيف يخون الامانه ويعرف كيف يحترم البيت اللي هو فيه وصدقوني لو تعرفونه تنصدمون؟عطوني حلول الله يعطيكم العافيه علموني كيف اوقف هاالمهزله تصدقون اخواني يدرون بس يحاولون يكذبون انفسهم والله يعين .

لابد من ترحيل الخادمة اولا


ان شاء الله يكون لي عودة للموضوع مرة اخرى

السلام عليكم ورحمة الله وبركاته

أختي الغاليه الساكت عن الحق شيطان اخرس

ويمكن لو ولدك عمك المغرور اكتشف انك تعرفين ممكن يسويلك مصيبه ويقلب المسائل على راسك
تكلمي مع الوالده عن الي قاعد يصير وطلبي منها تخبر الوالد باسلوبها وذكريها انه كل راع مسئؤال عن رعيته والخدامه مسئولية ابوك وامك

و قريبكم الي يعتدي على حرمة بيتكم مالها امان ممكن يعتدي على وحده من اهل البيت وماينفع الندم
وفضيحتكم عند العائله انكم عارفين وساكتين
وممكن تكون الشغاله عامله عمل لاهل البيت انهم يشوفون ويسكتون مايقدرون يسوون شي فحاولي اختي الكريمه تحطين حد للموضوع لانك مسئوله امام الله

تكلمي مع ابوك لو مافاد الامر خليه في هذه الامور التسرع ممكن يكون افضل من البرود في هذه المسائل

اتمنى اكون افدتك وبنتظار ردك نعرف وش صار معك

انا بالنسبة لي اوافق على راي بحر الحنان واضيف عليه ان الخادمة تسفرونها الى بلدها ومن ثم ماتسكتين عن الموضوع وخاصه ان الكل عارف وحتى لو صارت مشاكل بالعائله يعني اهله اذا عرفو بيسكتون اكيد راح يطيح اللوم عليه وحاولي ماتكونين الراس الاول يعني على الاقل يكون اخوك او ابوك لان لو عرف ان انتي ممكن ينتقم منك بانك سويتي كذا بطرق كثيرة واتمنى قد ساعدتك وانتظر وش راح يصير ...

هذا أمر مايحتمل التأخير..

وأنا برضوا مع الاخت بحر الحنان..

وإن شاء الله تنحل وتنفرج..