ملتقى النخبة - الرجم يشهد ... والسواليف تشهد !!

الرجم يشهد ... والســــواليف تشــــهد
والغيمة البيضا .. تزكي الشـــــهاده
انه معي .. عقب الشفق .. يـــوم الاحـــد
نشرب من الشاهي ونثني الوساده
رجع الصدى ضحكه ... من الشوق يرتد
يعشق حكاوينا ... ويطلب زيـــاده
واليوم ... انا وحدي ... على شـوفة المد
لا صاحبي حولي ... ولا عنه فاده .
حتى بواقـــي ما تركنــاه ... ينشــــــــد
وينه خويك ..؟ ما لفى في معـاده !
الرملــة الصفرا ... غدت ... كنها نـد
والرجم والغيمه ... ضناها بعــاده
والضو ... خفت ضوه ... وجمره تورد
والشعر(جنّ) ! من يطلقه من قياده
والنجمة الزهرا ... تقــل ...: حولكم حد
يعرف مكانه ... علّي اغشـى بلاده
كل ... يبي يفهم ... ويســتنظر الـــــــرد
مني ... وانا صوتي فرغ من مداده
جواله ... اخرس ... كلما ارن ... يهجد
حتى الرسايل ... كل ابوها معاده
ياصاحبي ... واين انت ؟ نسـتعطفك رد
تفرح بك الدنيا ... وتشرق .. سعاده