ملتقى النخبة - وش تسوي لو عشقت انسان ما هو من نصيبك

ملتقى النخبة (http://www.m-alnokhbah.com/vb/)

- نبض المشاعر (http://www.m-alnokhbah.com/vb/f82/)

وش تسوي لو عشقت انسان ما هو من نصيبك

وش تسوي لو عشقت انسان ماهو من نصيبك

لا لك بهالوضع يد .. و لا له بهالوضع سبه !!

وشهو ذنبك لو غدى من بين خلق الله حبيبـك

تعرف إن قربه محال .. و قلبك مصمم يحبه ؟!

و انته متأكد و عارف يب يجي يوم و يسيبـك

يعني متوقع بأي لحظه يغيـب و تغتـرب بـه

كل دربٍ يرحل بطيفه .. على وجهـك يجيبـك

كل حرفٍ يُكتب لغيره .. تحسه منكتب بـه !!

كن كل عيون خلـق الله عيـون ٍ لـه تذيبـك

تنثر احساسك جمر ملح وْعلى جرحك تصبـه

و اللي كاسر ظهر قلبك و بشقا الدنيا مصيبـك

عارفٍ بانّك تحب .. و ما يعَرْف انّـك تحبـه

ساكن ٍ بأصغر تفاصيلك و قلبه مـا دري بـك

ماكن ٍ بأقصى معاليق الكيان اللـي لعـب بـه

وش تسوي لو مرضت بعشق من وصله طبيبك

و انتْ عارف لو ذبحك العشق ما داواك طبه

[motr]مــــنــــقـــــول[/motr]

رد: وش تسوي لو عشقت انسان ما هو من نصيبك

تسلم الانامل علىهذا النقل الرائع والكلمات الرااااااااااااااااااااااااائعه

وصح لسانك كاتبها

يسلموووووووووووووووو ختيوووووووو على القصيده الجزله

رد: وش تسوي لو عشقت انسان ما هو من نصيبك

بحر الاحزان

كم يسعدني هذا المرور العاطر والمتابعة المميزة

و ازداتت مشاركتي بوجود توقيعكم ـ على صفحتي

فلا حرمنا الله من حضوركم ومشاركتكم

ولكم جزيل الشكر